Berandu esnatu da Bidasoa

ADEMAR: Cupara (Biosca); Juanín García (7), Costoya (7), Carou Juanjo Fernández (2), Vieyra (6), Mario López (2); Rodrigo Pérez (1), David Fernández Piñeiro (1), Simonet (1), Pesic (3), Jaime Fernández (1), Gonzalo Pérez (2).

BIDASOA: Luán (Ledo) (Zubiría); Vázquez, Renaud (2), Popovic (3), Azkue (1), Salinas (4), Kauldi (5); Crowley (8), Redondo, Nonó (1), Iker Serrano (1), Lancina (4), Beltza.

MARKAGAILUA: 3-0, 6-2, 10-5, 13-7, 17-10, 20-15 (atsedenaldia); 21-17, 24-18, 27-21, 28-24, 31-28, 33-29.

Leonen, bigarren sailkatuaren etxean galdu zuen Bidasoak larunbatean. Uste baino gertuago eduki zuen saria, baina beranduegi lortu zuen Ademar estu hartzea. Lehen zatian, jaun eta jabe izan zen etxeko taldea. Neurri handi batean, bidasoarrek maila kaskarra eman zutelako. Erasoan, lehen minutuetan behin eta berriro huts egin zuten. Baina defentsan ere ez ziren fin ibili, hogei gol jaso zituztelako atsedenaldiaren aurretik. Rodrigo Salinasen azken golak itxaropena berpiztu zuen, desabantaila handiagoak eduki eta gero, bostera murriztu baitzuen (20-15).

Bigarren zatian, 5-1eko defentsarekin asmatu zuen Bidasoak, kontraerasoan Ademarri mina eraginez. Kauldi eta Crowley hegaleko jokalariak izan ziren erasoko erreferentzia nagusi. Abantaila murriztuz joan zen Cuétararen taldea, 31-29ra hurbiltzeraino. Azken minutuetan, ordea, Ademar berpiztu egin zen, bi puntuei nola edo hala eusteko. Konfiantza falta izan zaio Bidasoari, behin baino gehiagotan, aurkari indartsuen etxean irabazteko.