Baztan-Bidasoaldeko futbol talde nagusien artean bakar batek ere ez du garaipena eskuratu asteburuan

Baztan-Bidasoaldeko futbol talde nagusien artean, bakar batek ere ez zuen garaipenik eskuratu asteburuan. Gipuzkoako Ligan, Beti Gazteko Ohorezko Erregional mailako bi taldeek berdinketa bana erdietsi zuten. Emakumeek Touring bisitatu zuten igandean eta 3-3ko emaitzarekin bukatu zuten jardunaldia, azken jokaldian galduz lesakarrek zuten nagusitasuna. Gizonezkoen kasua berdintsua izan zen, nahiz eta alderatzizko zortea eduki. Mastegin jaso zuten hauek Oiartzun eta 2-2koarekin berdinduta bukatu zuten, azken jokaldian lortu baitzuten bigarren gola eta beraz, oiartzuarrekin puntuak banatzea. Ainara Otxoteko emakumeen bigarren entrenatzaileak eta Javier Escagües gizonezkoen lehen entrenatzaileak egin dute bi partidu hauen balorazioa. Erregional mailan azkenik, 0-2ko markagailuarekin galdu zuen Gure Txokoak, Mutriku B taldearen kontra. 

Nafarroako Ligan, Lehen Maila Autonomikoko Baztanek 2-0 galdu zuen baita ere Lagunak taldearen kontra. Azkenik, Preferente mailako Doneztebek puntuak banatu zituen Idoya taldearekin, 1-1eko emaitzarekin bukatu baitzuten partidua. Hala ere, lidergotzan segitzen dute doneztebarrek, pasa den asteko abantaila berarekin.