BATeko Victoria Briso bostgarren Proba Konbinatuen Iberico Torneoan

Portugalgo Pombal hirian ospatu zen astbeuruan, Pista Estaliko Proba Konbinatuen Iberico Torneoa. Espainia eta Portugalgo 18 urtez azpiko, 20 urtez azpiko eta absolutu mailako selekzioak aritu ziren lehian, tartean Bidasoa Atletiko Taldeko Victoria Briso ere. Senior mailan aritu zen talde irundarreko atleta eta bostgarren izan zen sailkapen orokorrean, 3,762 puntu batuta guztira. 

Heptatloiko bortz proba osatu zituen Brisok, marka onekin eta pisu eta altuerako probetan nabarmenduz bereziki. Hauetan bietan, bostgarren postu bana eskuratu zituen, altueran 1,64 metroko jauzia eginez, eta pisu jaurtiketan, 11,70 metroko jaurtiketan. Bostgarren postua eskuratu zuen baita ere 800 metroko lasterketan (2:25,00 minutu). Honez gain, seigarren izan zen luzera jauzian (5,50 metro) eta zortzigarren 60 metroko hesi-lasterketan (9,10 segundu). 

Txapelketa bukatuta, Victoria Brisok berak balorazio positiboa egin zuen azken lehia honen inguruan: “Txapelketan lortutako emaitzekin oso pozik nago, pista estaliko denboraldia borobiltzeko modu ona izan da”.