ASKO BORROKATUTA, PUNTUAK PATRIKAN

Neurketa trabatu eta trakets batean, bigarren zatiko bi minutu nahikoak izan zaizkio C.D. Bidasoari lau goleko errenta hartu eta Unicaja Banco Sinfín 28-25 mendean hartzeko.

Zenbat gerra C.D. Bidasoa eta Unicaja Banco Sinfinen artean. Zenbat lehia, batzuetan horien aldera erori dena eta, besteetan, kantabriarrek bereganatu dutena. Aurreikus zitekeen bezala, Sinfín ez da Artalekura egun pasa etorri eta lehen minututik neurketa lehiatu du. Hain zuzen ere, lehen parztiala bere aldekoa izan da (2-3, 5.minutuan). Azkar irauli du markagailua C.D. Bidasoak, Zabalaren kontraerasoek arnasa eman eta 5-4 jarri dute aurretik talde irundarra. C.D. Bidasoaren aldeko lehen zatiko errenta nagusia 18.minutuan iritsi da, Mujikak eta Dariel Garcial Herrero Lonen golari erantzuna eman diote eta hiru goleko aldea hartu du (8-5). Ledoren geldiketa ikusgarri baten ostean iritsi da Leo Renauden lehen gola. Hirugarrenez itzuli da gaur Artalekura eta defentsan zein erasoan bere gaitasunak erakutsi ditu.

Azken hamar minutuetan, C.D. Bidasoak lau goleko aldea ere eskuratu du (10-6), baina Herrero Lon, Ramiro Martinez eta David Rocaren golek abantaila minimora itzuli dute markagailua (10-9). Nahiz eta jokoan zailtasunak izan, etxeko taldeak Salinasek gerri-jaurtiketa bidez azken segunduan erdietsi duen golarekin 12-10 aurretik joan da atsedenaldira.

Penalti puntutik Adrian Fernandezek gauzatutako golarekin hasi da bigarren zatia (13-10). Lehen zatian ondo defendatuta izan den arren, Herrero Lonek Sinfinen lehen bi golak egin eta 13-12 hurbildu du talde kantabriarra. 16-16 berdintzeko gai izan da Sinfín, C.D. Bidasoak hainbat akats egin ditu erasoan, horrek ahalbidetu du Sinfín partidua Artalekun irabaz zezakeela pentsatzera. Hutsartea eskatu du Jacobo Cueterak, zailtasunak ekidin nahi zituen; izan ere, Sacyr Asobal Ligako berdintasunari ohore egin diote bi taldeek gaur ere. Baliotsuak izan dira teknikari asturiarraren gomendioak, minitu bakar batean Caveroren, Nietoren eta Dariel golek 22-18 ezarri baitute markagailuan. Azken honek birritan zulatu du Guitarten atea, defentsan zein erasoan ondo aritu da kubatarra. Etxeko taldearen erreakzioa sekulakoa izan da, denbora gutxian Victor Montesinos bi hutsarte eskatzera behartu dute.

Beste behin, Xoan Ledoren lana zoragarria izan da, galiziarraren geldituek (12) mantendu dute C.D. Bidasoa abantailan. Norgehiagokako azken mintuetan sartuta, talde irundarrak eskuratu duen lau goleko errenta erabakigarria izan da. Edonola ere, talde kantabriarrak ez du azken hitza esan eta berriro 23-21 hurbildu da. Denbora kontua izan da C.D. Bidasoak zuen abantaila berreskuratzea, eta azken bost minutuetan lortu du. Dariel Garciak eta Caverok, talde irundarraren eguneko bi goleatzaile nagusiak, lasaitasuna ezarri dute Artalekura bertaratu diren 972 zaleen gorputzetan. Azkenean, C.D. Bidasoak bi puntu borrokatu erdietsi ditu (28-25).

Fitxa teknikoa

28 - Bidasoa Irun (12+16): Ledo, Cavero (4), Salinas (4), Tesoriere, Francisco da Silva, Rodríguez (2), Zabala (4); Sierra, Ugarte, Aginagalde (2), Mujika (2), Renaud-David (1), Nieto (2), García (4), Fernández (3).

25 - Unicaja Banco Sinfín (10+15): Sánchez, Castro (3), Zungri (4), Blázquez, Herrero-Lon (6), Pla (3), Cruz (1); Guitart, Muñiz (2), Lastra, Alonso, Martínez (3), Basualdo, Roca (3).