Asier Bulman 5000 metroko PK3 kategoriako Espainiako txapeldun

Espainiako Neguko 5000 metroko Txapelketa ospatu zen asteburuan Sevillan eta Santiagotarrak-Urbycolan taldeko piraguistak bertan izan ziren denboraldiari hasiera ematen. Ilusioz eta gogoz joan ziren bertara kirolariak eta hori emaitzetan ere islatu zen. Izan ere, Asier Bulman Espainiako txapeldun bilakatu zen PK3 kategorian eta Carla Corral berriz, txapeldunorde 23 urtez azpiko mailan. 

Junior mailako Asier Bulman Espainiako txapeldun bilakatu zen Sevillan, PK3 kategorian. Aldi berean, asturiarra den baina Irungo klubarekin lehiatzen den Carla Corralek zilarrezko domina eskuratu zuen 23 urtez azpiko kategorian, Espainiako txapeldunorde bilakatuz. Maila berean, Uxue Arsuaga bederatzigarren izan zen. Honez gain, junior mailan, Eneritz Aizpiolea hamaikagarren izan zen eta azkenik, beteranoen kategorian, Ramon Gorrotxategi seigarren izan zen. 

Taldekako sailkapenean, Santiagotarrak-Urbycolan kluba hamahirugarren izan zen, ehun klub baino gehiagoren artean, bertara joandako hamar palistek egindako lan ona ren ondorioz. 

Heldu den asteburuan Bergaran eta Aranjuezen

Heldu den asteburuan, uretan izanen dira berriz ere Santiagotarrak klubeko ur bizietako eta ur lasaietako kirolariak. Alde batetik, ur bizietako eskolarteakoak Beragaran lehiatuko dira igandean (martxoaren 23an) eta bertzetik, ur lasaietakoek Aranjuezera bidaiatuko beharko dute, larunbat eta igandean (martxoaren 22an eta 23an) bertan ospatuko den Espainiako Maratoi Erdiko Txapelketan parte hartzera.