ANTXON JASO EZ DA GEHIAGO REAL UNIONGO JOKALARIA IZANEN

Jokalari nafarrak ekainean bukatuko zuen bere kontratua, baina aldez aurretik joanen da Irunetik

Antxon Jaso ez da gehiago Real Uniongo jokalaria izanen. Real Union Klubak adierazi duenez, ekainean bukatuko zuen jokalari nafarrak talde txuribeltzarekin zuen kontratua, baina aldez aurretik joanen da Irunetik.

Aoizko jokalaria 2022ko uztailean iritsi zen Real Unionera Bilbao Athletic taldetik. 2022/23ko denboraldi honetan, guztira 18 neurketa jokatu ditu Jasok, Ligako hamabi, Errege Kopako bi eta Federazio Kopako lau. Klubetik eskerrak eman nahi izan dizkiote nafarrari bere profesionaltasunagatik eta zorte ona opa diote bere etorkizunean.