ALCOBENDAS GARAITU OSTEAN, ARTALEKUKO LEHEN PORROTA
BIDASOA-IRUN 30- Rangel (-);Zabala (2), Kauldi Odriozola (2), Serrano (1), Barthe (2), Leo Renaud (2) Rodrigo Salinas (6) -equipo inicial- Xoan Ledo (), Cavero (1 de p.), Crowley, Esteban Salinas (6), Sergio de la Salud (2), Azkue (6, 1p.), Tesoriere, Rudy Seri y Aldaba.
BM LOGROÑO LA RIOJA 32-Sergey Hernández;Sánchez migallón, Ilic (3), Fekete (1), Kukic (3), Juan del Arco (7), Edu Cadarso (2) - equipo inicial- Kusam, Scott (1), Javi Muñoz (4, 3p.), Moreira (5), Imanol Garciandía (6), David Cadarso, Ramos y Romeo (ps).
Artalekuko lehiatilak “Sarrerak agortuta” karteltxoa atera zuten, jendea sarrerarik gabe geratu zen eta harmailak Bidasoaren egun oparoetako irudia hartu zuten. Errioxatik ere 100 pertsona inguru etorri ziren Irunera eta nabaritzen zen norgehiagoka berezia zela. Jokalariek harmailetan ageri zen maila kantxan mantendu zuten, intentsitate eta gogortasun handiko norgehiagoka jokatuz.
Errioxarrek garaipena beharrezkoa zuten Asobal Kopa jokatzeko aukerekin jarraitzeko eta beharrak lehen zortzi minutuetan 2-6ko partziala lortu zuten. Juan Del Arcok eta Imanol Garciandiak min handia egin zuten lehen minutuetan bederatzi metroko jaurtiketen bidez eta Jacobo Cuetara hutsarte bat eskatzera behartu zuten.
10.minutuan 3-7a ageri zen markagailuan, Bidasoak arazo dexente zituen Sergey Hernandezen atea zulatzeko. Arazo hori konpontzeko, Sergio De la Salud eta Esteban Salinas atera zituen kantxara Bidasoaren entrenatzaileak eta ordutik, taldeak aurpegi berri bat erakutsi zuen erasoan. Etxeko taldeak pixkanaka defentsan hobetu zuen eta 17.minutuan gol batetara hurbildu ziren, Miguel Angel Velasco errioxarren entrenatzailearen hutsartea behartuz (8-9).
Hutsartetik bueltan, berdintasuna eta gogortasuna ezarri zen bi taldeetan. Lehendabizi Barthe, gero Garciandiak eta azkenik Esteban Salinas bi minutu kaleratu zituzten epaileek, eta azkenean atsedenaldira 14-15eko markagailuarekin iritsi zen.
Atsedenalditik bueltan, Balonmano La Rioja Logroñok erakustaldia eman zuen erasoan. Lazar Kukicen gidaritzapean Bidasoako defentsan zuloak aurkitzen zituzten, Garciandiak eta Scottek golak eskuratu zituzten eta Sergey Hernandezek Bidasoaren jaurtiketak gelditzen zituen. Horrela, 19-23koarekin bigarren zatiko 10.minutuan hutsartea eskatu zuen Jacobo Cuetarak , baina erreakzionatu beharrean, golen errenta bostera handitu zuten.
20.minutuan beste hutsarte bat eskatu zuen Bidasoako entrenatzaileak eta defentsa aurreratzeko agindua eman zuen. Lehendabizi Kauldi Odriozola, ondoren, Mikel Zabala, eta azkenik talde osoa. 25.minutuan 24-30 Errioxarrak aurretik ziren baina bi minututan 27-30era hurbildu ziren etxekoak.
Miguel Angel Velascok hutsartea eskatu zuen bere taldea lasaitzeko eta azken minutuak soseguarekin jokatzeko, eta hala egin zuten. Bidasoak banakako defentsa jarri zutela baliatu zuten azken golak sartzeko.
Erakustaldia eman zuten 60 minutuetan bi taldeek eta amaieran 30-32 izan zen azken emaitza larunbatean. Galdu arren, Bidasoak Asobal Ligako bigarren sailkatua izaten jarraitzen du ABANCA Ademar Leonen puntu berdinekin. Asobal Kopa jokatzeko puntu baten beharrean da Bidasoa eta asteartean puntua eskuratzeko aukera izango du Liberbank Ciudad Encantadaren aurka jokatuko duten norgehiagokan.
