Abantaila hartu du Urdaibaik Kontxan

Bermeoko taldeak egin du denborarik onena Kontxako Banderako lehen jardunaldian (19:22.48). Hondarribiak 19:24.44koa egin du aurreko txandan, Urdaibaik baino 1,78 segundo gehiago. Hortaz, bizkaitarrek dute abantaila, baina aldea txikia da, eta lehia bizia izango da datorren igandean, Kontxako bigarren jardunaldian. Hondarribiarekin eta Urdaibairekin batera, Kaiku eta San Juan ariko dira Ohorezko Txandan. Sestaokoek 13 segundoko desabantaila dute, beraz, baldintza arruntetan, ezustekorik egon ezean, Ama Guadalupekoaren eta Bou Bizkaiaren artekoa izango da bandera eskuratzeko lehia. Diferentzia horren estua izanik, litekeena da estropada irabazten duenak bandera eskuratzea.