500 atleta gazte izan ziren asteburuan Plaiaundin Gipuzkoako Eskolarteko Txapelketan

Gipuzkoako Eskolarteko Txapelketaren jardunaldia ospatu zen, pasa den igandean, Plaiaundin. 500 atleta gaztek baino gehiagok parte hartu zuten bertan eta pista jendez bete zen, hauen lehiaz gozatzeko. Etxekoek ere izan zuten partehartzerik eta emaitza onekin bukatu zuten asteburua. 

Infantil mailan, altuera jauzian etxeko Zhu Yuxuan eta Adur Errazkin nagusitu ziren, 1,57 metrorekin bakoitza. Abiaduran eta hesi-lasterketan Nora Gonzalezek hirugarren postua eskuratu zuen 80 metroko hesi-lasterketan (12,87 segundu) eta Kaiet Arruabarrena garaile izan zen 500 metroko lasterketan (1:21,20 minutu). Azken proba honetan, Adur Errazkin taldekide hirugarren izan zen (1:22,50 minutu). Pisu jaurtiketan, Eider Eizaguirre hirugarren izan zen diskoan (800g), 20,75 metro lortuta. Hortaz gain, 1000 metroko oztopo lasterketan Noa Lekuona ere hirugarren izan zen (3:46,61 minutu). 

Alebin mailan berriz, Aitor Iraola izan zen markarik hoberena lortu zuena pilotarekin, 30,55 metro lortuta. Luzera jauzian, Amets Gurutzealde hirugarren izan zen (4,09 metro). Abiaduran azkenik, Iraia Garcia sigaren izan zen 60 metroko hesi-lasterketan (10,28 segundu) eta Maia Sanchez garaile izan zen 500 metroko lasterketan (1:31,33 minutu).